Omukuumi w’eddwaliro lya Gavumenti asindikiddwa mu kkomera lwa kutunda ARVs – Lira

Omuserikale, James Ronnie Otyek abadde akuuma eddwaliro lya Gavumenti ery’e Lira asindikiddwa ku alimanda mu kkomera ly’e Lira, entabwe eva ku kutunda ddagala erikakkanya ku kawuka ka mukenenya (ARVs) ng’aliguza abalunzi b’embizzi.

Omulamuzi wa kkooti ento e Lira, Hillary Kiwanuka y’amusindise ku alimanda mu kkomera  lya Gavumenti erya Lira Central Prison akulunguleyo ebbanga lya ssabbiiti bbiri era nga bweyaleeteddwa mu kkooti ku biragiro bya RDC  – Robert Abak ku lwokusatu lwa ssabbiiti eno, omulamuzi teyamukkiriza kweyogerako olw’obudde.