Omubaka Kamugisha (NRM) awakanya eky’okugikwatako

Omubaka mu Palamenti akiikirira essaza ly'e Kajara , Micheal Kamusisha era nga wa kibiina kya NRM agamba nti ssiwaakuwagira kuggya kkomo ku myaka gya Pulezidenti kubanga abalonzi tebakkiriziganya nakyo.

Bw'abadde ayogerako ne bannamawulire ku Palamenti enkya ya leero, Kamugisha agambye nti eky'okuggya ekkomo ku myaka gya Pulezidenti abantu abasinga obungi kibawunyira ziizi era bakisimbidde ekkuuli nga nebwokungaanya abantu n'obawa ssente , beefuula abawagira ekitooso ky'okugikwatako songa tebakiriiko.

kati kitegeeza nti Kamugisha yeegasse ku babaka ba NRM omuli  owa Disitulikiti y'e Soroti  Monica Amoding,  owa Lwemiyaga Theodore Sekikubo ne owa  Manjiya , John Baptist Nambeshe okuwakanya eky'okugikwatako.