Omubaka Kakooza agugumbudde RDC w’e Mubende, bya ttaka

Omubaka mu Palamenti ow’essaza ly’e Buweekula, Rtd. Maj. Kakooza agugumbudde omubaka wa Pulezidenti e Mubende, Florence Beyunga olw’okukozesa yafeesi ye n’emmundu okugoba abantu ku ttaka.

Kino kiddiridde abatuuze okuva ku byalo bina omuli ; Kannyogoga, Kifumbira, Kagezi ne Lwebaga ebsangibwa mu ggombolola y’e Butoloogo e Mubende okulumiriza RDC Beyunga olw’okwekobaana n’omugagga Donald Kananura nebalyoka babagobaganya ku ttaka nga mwotwalidde okubakubamu omukka ogubalagala wamu n’emigiba nte nga kwotadde n’okusanyaawo emmere yaabwe.

Wabula ye Kananura Donald omugagga ayogerwako ategeezezza ku nssimu nti ettaka lino lirye era n’asambajja eby’okutulugunya abantu!