Omwogezi wa Poliisi SCP Fred Enanga avuddeyo nategeeza nga Abasirikale ba Uganda Police Force 4 nga babadde bakolera ku Poliisi y’e Kabalagala bavunaaniddwa omusango gw’obubbi era nebagobwa mu Poliisi. Kigambibwa nti bano babba emitwalo gya ddoola 3 okula ku musuubuzi eyali ayagala okuzivungisa n’oluvannyuma agule loole.
Bano kuliko; DC Among Phiona, 28, DC Angula Isaac, 27, DC Baluku Shafik, 26 ne DC Galenda Bernard, bonna nga basirikale abakolera ku Kabalagala Police Division.
Kigambibwa nti nga 17.01.2024, Muhammad Olad Abdirahman, 37, Munnansi wa Kenya akolera mu Kisenyi yagenda ku Royal View Hotel Buziga, weyali agenda okusula era nasaba Manager amuyambe okufuna Forex Bureau wayinza okuvungisiza ssente ze ku muwendo omulungi.
Abakozi ba wooteeeri babagulizaako ku DC Among naye eyatemya ku banne 3 era nebagenderawo ku wooteeri ku ssaawa kumi ezolwoggulo nga bekobaanye ne Okello eyali yefudde broker wabavungisa ssente ne manager wa wooteeri nebakwata omusuubuzi. Bano babateeka mu motora nebabavuga okubayisa mu luguudo lwa Kabalagala Barracks nebabatuusa ku Garden Hotel nebabbako ssente emitwalo 3 egya ddoola n’oluvannyuma nebabagoba. Bano oluvannyuma lwokubabba banyumiza ku mukwano gwabwe Munnakenya eyabayamba okuloopa omusango.
Poliisi yakwata Abasirikale bano 4 era bwebafuuza ennyumba zaabwe basangamu ddoola ezimu. Poliisi egamba nti etandise omuyiggo ggwa Okello ne Manager bakwatibwe.
Leave a Reply
You must be logged in to post a comment.