Obwakabaka bukungubagidde Dr. Kawanga Ssemwogerere

Obwakabaka bukungubagidde Omugenzi Dr. Paul Kawanga Ssemogerere gwebwogeddeko nga omu ku baana ba Nambi abadde empagi luwaga akoleredde Obuganda n’Eddiini ye. Ono y’omu kubaalwanirira Yuganda okwefuga nga mu ngeri yeemu era yakola nnyo okuzzaawo Obwakabaka nga yomu kubaali mu nteekateeka z’okutuuza Ssaabasajja Kabaka Ronald Muwenda Mutebi II ku mukolo ogwali e Naggalabi Buddo era yasiimibwa Ssaabasajja naaweebwa ejjinja ery’owuwendo. Ono era asiimiddwa olw’okubangula n’okukuza Bannabyafuzi ab’enjawulo mu Ggwanga Yuganda.