Obukadde 400 e z’abavubuka zisattiza abakulembeze e Mubende
Ssente z’abavubuka obukadde 400 ezaabaweebwa okwerwanako ku lukokere lw’obwavu mu Disitulikiti y’e Mubende zibasattiza oluvannyuma lw’okubalemerera okusasula ng’enteekateeka bweyali.
Ssentebe w’abavubuka mu Disitulikiti y’e Mubende naddala ab’ekibiina ekya Mubende Youth Forum, Hakim Kintu agamba nti abantu abaafuna ensimbi zino baaweebwa obukadde 400 wabula baakakomyawo obukadde 25 zokka.
Kintu agamba nti ekiviiriddeko kino be bantu okulowooza nti Gavumenti bwewaayo ensimbi zino ebanga ebasasudde oba okubeebaza olw’okugiwa akalulu olwo ne beesuulirayo gwa nnaggamba bwekituuka okusasula wabula eby’embi kwekubeera nti mu kiseera kino baalibadde bafuna ensimbi endala ez’okwekulaakulanya naye tebayinza kuzifuna nga n’ezasooka okubawebwa zaabalema okuzzaayo.
Wano kintu waasinizide n’asaba abakulembeze okufunira abavubuka bano woofiisi webanaasinziira okutalaaga mu bannaabwe abalina ensimbi zino.
