Norbert Mao akiise embuga
Pulezidenti wa Democratic Party Uganda Norbert Maone banna
Democratic Party Uganda – DP abeesimbyewo mu bifo ebyenjawulo, bakyaddeko embuga nebasisinkana Katikkiro nebamwanjulira enteekateeka yaabwe eri Obwakabaka bwebanaaweebwa omukisa okukulembera eggwanga mu kulonda okujja.
Bwabadde abasisinkanye Katikkiro Charles Peter Mayiga abasabye basse nnyo ekitiibwa mu nkola etambulira ku mateeka kubanga kino kijja kumalawo akavuyo era kireetewo enkulaakulana. Agambye nti ensi mu Africa ezikulaakulanye, zissa ekitiibwa mu nkola y’amateeka.
Banna DP baguze Satifikeeti za kakadde kamu mwemitwalo asatu mwena (1,340,000) okuwagira emirimu gy’obwakabaka.
