Museveni alabudde abakuba ababaka ba NRM ku by’ekkomo ly’emyaka
Pulezidenti Museveni alabudde abantu bonna abakola obuvuyo ku babaka mu Palamenti aba NRM bwebaba bagenze okwebuuza ku bantu ku ky'okuggya ekkomo ku myaka gya Pulezidenti.
Pulezidenti agamba nti tagenda kukkiriza bikolwa bifaanana bwebityo era n'ajjukiza ababikola nti basaana bakimanye nti NRM y'ekulira akavuyo.
Omukulembeze okwogera bino mu bukambwe obw'ekitalo asinzidde ku mukolo gw'okwebaza ogwa Omubaka omukyala mu Palamenti owa Namutumba, Mariam Naigaga oguyindidde ku ssomero lya Kisiki College School erinsangibwa e Namutumba.
