mugende mumpaabire ewa Katonda – rukutana

Omumyuka wa Attorney General Mwesigwa Rukutana agobeddwa mu Kakiiko akanoonyereza ku mivuyo gyettaka lwakuddamu bibuuzo ebimubuuzibwa nga akinaguka ssaako n’okunnyomoola akakiiko. Era bwatyo Omulamuzi Bamugemereire nategeeza nga bwagenda okujjuliza ensonga ze ew’omukulembeze w’eggwanga Pulezidenti Yoweri Kaguta Museveni. Ye Rukutana abagambye bwebaba baagala basobola okugenda ewa Paapa, oba Katonda kuba ye tebimukwatako. Ono abadde abuuzibwa ku nsimbi ezaava mu Land Fund nateekako omukono zifulumizibwe ku biwandiiko ebigambibwa nti byali bijingirire.