Mbabazi alina obujulizi obuluma Police nti yeyamenye ofiisi za ba Puliida be.
John Patrick Amama Mbabazi agamba nti alina obujulizi obuluma Police nti yeyamenye ofiisi za ba Puliida be n’ekuuliita n’ebyuma bikalimagezi wamu n’ebiwandiiko eby’omigaso.
Ekiro ekikeesezza leero abantu abatannategeerekeka baalumbye ofiisi za bannamateeka ba Mbabazi omuli Mwema and Co Advocates ku Acacia Avenue ne Muhammad Mbabazi eziri ku Buganda road.
Mbabazi ayongerako nti kino takirabangako mu nsi yonna Police okukozesa ebintu bya Gavumenti okumenya amateeka nti era kino kirina omwendo munene kyegukosa ku musango gwe oguli mu kooti ku by’okulonda.
