lwaki mususizza omululu gwa ssente – Omusumba Kaggwa

Omusumba w’essaza ekkulu ery’e Masaka, Johnbaptist Kaggwa mwennyamivu olw’abantu abasusse omululu gwa ssente mu ggwanga ne batuuka n’okwenyigira mu kusanyaawo obutonde bwensi nga basanyaawo emigga, entobazi n’ebibira ekiviiriddeko embeera y’obudde okukyukakyuka.Omusumba Kaggwa abadde aggulawo Klezia y’ekisomesa ky’e Mannyama Sub-Parish e Kaliisizo – Kyotera ng’eno yazimbiddwa abaana enzaalwa y’ekitundu abaakulembeddwaamu Omulangira Edward Nakibinge. Omukolo gwetabiddwaako ebikonge okuli; omumyuka wa Pulezidenti w’eggwanga, Edward Kiwanuka Ssekandi ng’ono yakiikiriddwa Minisita wa Micro Finance, Haji Haruna Kyeyune Kasolo eyasiimye ekikolwa eky’okuddiza Omukama.