Kkooti e Nebbi esazizaamu okulondebwa kwa Hashim
Kkooti Enkulu mu Disitulikiti y’e Nebbi enkya yaleero esazizaamu okulondebwa kwa Munnakibiina kya National Resistance Movement – NRM Hashim Sulaiman eyalondeddwa nga omubaka wa Nebbi Municipality.
Kino kidiridde Munnakibiina kya Forum for Democratic Change Onega Robert okuteekayo okuwemulugunya kwe nga awakanya empapula z’obuyigirize bwa Hashim Roebrt era nti n’okulonda kwalimu okubbira.
Omulamuzi Ojuko Anthony Ojok akiriziganyizza ne Onega era bwatyo nasazaamu okulondebwa kwa Hashim era nalagira okulonda kuddibwemu mu Nebbi Municipality. Onenga abadde awolerezebwa Munnamateeka Erias Lukwago.
