Kitalo! 10 bafiiridde mu kabenje bbaasi ya YY bwetomedde takisi

Kitalo!
Abantu 10 be bafiiriddewo embulaga mu kabenje akagudde e Bukonte mu Disitulikiti y’e Namutumba bbaasi ya Kkampuni ya YY Coaches and Courier Services nnamba UAX 852F ebadde eyolekera Mbale bwetomereganye bwenyi ku bwenyi ne Takisi nnamba UAV 689F. Abasaabaze ekkumi ababadde mu takisi bafiiriddewo. Adduumira Poliisi mu Disitulikiti y’e Namutumba Eratu Ojukuna agamba nti obuzibu buvudde ku ddereeva wa bbaasi abadde agezaako okuyisa.