Kazinda asingisiddwa emisango 3 emirala
Eyaliko Principal Accountant mu Offiisi ya Ssaabaminisita Geoffrey Kazinda olunaku olwaleero asindikiddwa mu kkomera amaleyo emyaka 15 lwa kubeera na byabugagga emisinga enyingizaye.
Kazinda eyakamala e Luzira emyaka 8 olw’okujingirira, obukenuzi wamu n’okufiiriza Gavumenti ensimbi alabiseeko mu maaso g’omulamuzi wa Kkooti ewozesa abakenuzi n’abali b’enguzi Margret Tibulya amusingisizza omusango nga agamba nti ono mukaseera konna kabadde avunaanibwa talaze mutima gwemenya kwebyo byeyakola so nga omusango ogwekuusa ku byensimbi kibalibwa.
Omulamuzi ategeezezza nti tasobola kuleka muntu ngoyo kweyagalira mu nsimbi zeyabba nti era kijja kutumbula okwoza mu nsimbi z’eggwanga wamu n’okulemesa Gavumenti okulwanyisa obuli bw’enguzi.
Omulamuzi era alagidde eby’obugagga bya Kazinda ebiweza obuwumbi 4 mu obukadde 300 biboyebwe IGG era Kazinda awereddwa okufuna omulimu gwonna ogwa Gavumenti okumala emyaka 10.
Omulamuzi awadde Kazinda amagezi abadde tayagala kuzzibwa mu kkomera e Luzira emyaka emirala mingi aleke Maama we ow;emyaka 81 wamu n’abaana be nga babonaabona okujjulira mu naku 14.
Guno gwe musango ogubadde gusigaddeyo kwejho egyamuggulwako IGG oluvannyuma lwa Kkooti etawulula enkayana za Ssemateeka okuyimiriza emisango gyonna DPP gyeyaggula ku Kazinda.
Okusinziira ku akuliddemu oludda oluwaabi okuva mu offiisi IGG Sarah Birungi wakati wa 2009 ne 2012 Kazinda yalina ensimbi za Gavumenti obukadde 210 zeyasaasanya kukupangisa ebifo ebisulwamu ku Sheraton Hotel okumala emyezi 10, okupangisa emotoka 4 ku bukadde 769 wamu n’ettaka lya buwumbi 3 mu obukadde 600 lyeyagula nga ali mu offiisi ebibalirirwamu obuwumbi 4 mu obukadde 600.to UGX 4.6billion.
Kazinda yavaayo nategeeza IGG nti yali afuna omusaala ne ‘allowances’ eziweza obukadde 83 mu emitwalo 70 nga gwemulimu ogwali gumuwa ensimbi gwokka.
Omu kubalumiriza Kazinda, George Byaruhanga nga yali mukwano gwa Taata wa Kazinda eyafa yeyaleese eddaame eriraga ebyobugagga byeyalina nga ettaka ery’obuwumbi 300 mu obukadde 600 lyeyaggula oliggyeeko nga ali mu offiisi.
Asingisiddwa emisango esatu nga buli gumu gwa myaka 5 wabula omulamuzi nategeeza nti ebibonerezo byonna byakutambulira wamu.
