Isiko bamuwadde bail

Brian Isiko 25, omuyizi ku YMCA eyasalirwa emyaka 2 mukomera olwokukana omubaka omukyala ow’e Kabarole Sylvia Rwabogo olunaku olwaleero aweereddwa bail mu kkooti enkulu.

Omulamuzi Jane Francis Abodo atadde Isiko ku kakalu ka Kkooti akobuliwo ka mitwalo attaano (500,000/=) nabamweyimiridde ababiri ne basasula obukadde butaano (5,000,000/=) era nabalagira okulaba nti Isiko akomawo mu Kkooti okumaliriza omusango ggwe.

Omulamuzi Abodo alagidde Isiko okulanikako ewa Deputy Registrar owa Kkooti enkulu buli lwakutaano olw’okusatu mu mwezi era nti taddamu okukubira oba okusindikira omubaka Rwabogo obubaka bwonna.

Omulamuzi agamba nti ensonga kwasisinzidde okutta Isiko eri nti gwemulundi gwe ogusoose okuzza omusango ate nga aleese nabamweyimirira nga balina erinnya n’emirimu egitegerekeka nga ku bano kuliko munamaggye wa UPDF eyawumula Capt. Reagan Muganza ne Godfrey Waako nga ono Assistant Registrar wa Kyambogo University.