Interpol ekutte ebintu ebijingirire ttani 5

Ekitongole kya Poliisi y’ensi yonna kyakutte ttani 4 ez’omwenge omujingirire wamu ne kkatoni 250 ez’ebizigo ebijingirire nga bibalirirwamu obukadde 500. Ag. Director Interpol and International Relations SCP Oyo-Nyeko Benson yakakasizza kino mu lukungaana lwa Bannamawulire olwabadde ku kitebe kya Interpol e Kololo.
Ekikwekweto ekyatuumiddwa FAGIA kyagenderedde okulwanyisa ebyamaguzi ebijingirire ebiri ku katale era nga kyakoleddwa mu naku 5 zokka mu Kampala n’emiriraano.
Oyo-Nyeko yagabye nti abasuubuzi babiwaayo kyeyagalire era nebakola endagaano nga bakiriza bisanyizibwewo. Yayongeddeko nti gakyali mabaga kuba ebikwekweto bikyagenda mu maaso mu bitundu by’eggwanga eby’enjawulo. Bingi ku byakwatiddwa byagibbwa mu buggwa njuba bwa Afirika.
Ekikwekweto kyabaddemu ebitongole eby’enjawulo okuli; URA, URSB, Stop counterfeit n’ebintogole by’ebyokwerinda eby’enjawulo mu ggwanga era nga byatwaliddwa e Nakasongola okusanyizibwawo.