hope mukasa anyumya ebyamutuukako

Omukungu Hope Mukasa anyumya ebyaliwo ku Lyato eryabbira: “Essimu eyasooka okunzijira mu mutwe yali ya Katikkiro kubanga ngimanyi bulungi ate n’ekirala nalowooza nti alina obusobozi okukubira abakwatibwako ab’enjawulo bajje batuyambe. Namukubira naye n’awuliziganya n’abakulu ab’enjawulo ne bajja okutuyamba. Abakuumaddembe abo bakolera ddala omulimu munene”
Nali ntudde ne Iryn era nga twewuunaganya era nemugamba nti ‘eeh olowooza tetuugweyo?’ Twali tukyakyogerako, eryato ne lyewunzika.
Okuwuga kwatwaawukanya nagenda okutuuka ku lukalu nga Namubiru ali mu kunoonya ng’abuuza “Hope Mukasa aliwa?”.
Hope Mukasa yaliko Maneja wa Namubiru ne Juliana Kanyomozi nga bakyali mu kibiina kya I-J mwe baatandikira okuyimba era baasigala baamukwano.
Yagambye nti okugenda ku lyato (Boat cruise) kukolebwa abantu ababuli kika, emyaka n’eddiini noolwekyo kibeera kibi okubavumirira.