BALAAM AJAGANYIZZA NGA BAKUTTE DEAN SAAVA LUBOWA

Ssaabavulu Barugahara Balaam Ateenyiavuddeyo ku kwatibwa kwa

Dean Lubowa Saava, ” Dean Lubowa Saava kawedemu, essaawa yeno okuggyayo obulimba bwo nga obadde osiiga ettosi abantu ba Katonda abalungi. Laga obukakafu ku bantu bobadde oyogerako ebikikinike nga oyagala okubafunamu ssente;
1. Captain Kasami byewamwogeddeko ebikikinike.
2. Billionaire

Dr. Sudhir Ruparelia

byewamwogerako ebikikinike.

3. Balaam okubba ettaka lya Namasagali College.
4. Afande Mugenyi okubba ettaka.
Ekyokwogerako ku bantu ebikikinike kirina okukoma olwokuba oyagala okubaggyako ssente. Abavubuka tukole okusinga okwagala okufuna ssente ezamangu obudde bwonna. Mwebale nnyo CID, CMI wamu n’ebitongole ebirala ebyenyigiddemu.”

Nubian Li tabangako wafujjo – Fik Fameica

#NdowoozaYaMunnayuganda https://youtu.be/MWhCRghAGUg
NUBIAN LI TABANGAKO WAFFUJJO: https://youtu.be/BY27giT9q_E
Omuyimbi Walukagga Shafik aka Fik Fameica; “Abakulembeze baffe, tubebaza nnyo olwebyo byemusobodde okukola okulaba nti Yuganda egenda mu maaso n’abantu baayo.
Mukoze ng’ekyokulabirako eri abavubuka bangi okuyimusa amaloboozi gaabwe wamu n’okukolera eggwanga lyabwe akadde konna webafunira omukisa era nsuubira n’abakulembeze baffe batwenyumirizaamu kuba abazzukulu baabwe basobodde okuteeka mu nkola ebiruubirirwa byabwe, bino byonna tubiyigidde ku mmwe.
Ku lwabavubuka banange abatwalibwa okubeera abeffujjo, abakulembeze baffe tubetondedde nnyo, twabalumya naye mujjukire nti bino byonna tubiyigidde ku mmwe okuvaayo okubanja ebyaffe mu mirembe olwensonga eyawamu era nga mwakikola emabegako ffe okusobola okubaawo era naffe abavubuka kyetugezaako okukola mu mirembe wadde temutuganyizza yadde okutandika.
Abavubuka si baffujjo, wabula bakimanyi nti bingi bisobola okukolebwa singa begattira wamu okusobola okutumbula obulamu bwabonna.
Okwenyigira mu nkulaakulana y’eggwanga lyange tekitegeeza nti ndi wafujjo, wabula njagala eggwanga lyange likule nga nange nenyigiddemu.
Waliwo obulimba obutambuzibwa ku bavubuka, ffenna tukimanyi Nubian li muyimbi akuumirwa mu kkomera ng’omuntu ow’effujjo, kino ffenna tukimanyi nti sikituufu. Tukimanyi bulungi nti ono muyimbi, nga kino kitundu ku byenfuna by’eggwanga ekiwa ebitundu 70 ku 100 eby’abavubuka emirimu abataalibadde nakyakukola.
Bannayuganda twogere tuwulirwe.
#BringBackOurPeople

Bobi Wine akyalina kyagamba bantu – Isma Olaxess

OMUBANDA WA KABAKA NGA TEBAKUYISE KU MAZAALIBWA GA KABAKA – ISMA OLAXESS: https://youtu.be/Nl4AhNu0dHQ Isma Olaxess nga Muwagizi wa National Resistance Movement – NRM avuddeyo nakudaalira Bannakibiina kya National Unity Platform – NUP wamu n’omukulembeze w’ekibiina kyabwe Hon. Kyagulanyi Ssentamu Robert aka Bobi Wine nti tebalina kyabagamba bantu ne Buganda yabagobye olaba tebamuyise ku mazaalibwa ga Kabaka so nga agamba nti Mubanda wa Kabaka. https://youtu.be/Nl4AhNu0dHQ

Akon asisinkanye Pulezidenti Museveni

AKON ASISINKANYE PULEZIDENTI MUSEVENI:
Pulezidenti Yoweri Kaguta Museveni; “Omuyimbi Aliaune Thiam AKON wamu ne Mukyala we Rozina Negusei bazze mu Yuganda nga banoonya webayinza okuteeka ensimbi mu bintu ebyenjawulo omuli eby’amasanyalaze, ebyobulambuzi wamu n’okuzimba. Ndi musanyufu okwenyigira mu mboozi nga eyo okulaba nti tukalaakulanya Bannayuganda ne Afirika okutwalira awamu.”

Akon azze mu Yuganda

AKON AZZE MU YUGANDA:
Omuyimbi ow’erinnya Munnansi wa Senegal Mw. Aliaune Damala Thiam aka AKON atuuse mu Yuganda enkya yaleero ku kisaawe ky’ennyonyi Entebe. Akon nga muyimbi era omusinga nsimbi azze ku nsonga ya bizinensi mu Yuganda nga Mukyala we Muky. Rozina Negusir yeyasooka okujja mu Yuganda ku ntandikwa y’omwaka guno era nafuna n’omukisa ogusisinkana Pulezidenti Yoweri Kaguta Museveni neboogera ku bizinensi ez’enjawulo zebasobola okukola mu Yuganda.
Akon ayaniriziddwa Mw. Abbey Walusimbi, Senior Presidential Advisor on Diaspora Affairs, Omuyimbi era Tourism Ambassador Ediriisa Musuuza aka Eddy Kenzo, abakungu okuva mu Minisitule y’ensonga z’ebweru w’eggwanga, Uganda Tourism Board, wamu ne Sheik Ramadhan Mulindwa okuva mu Uganda Muslim Supreme Council – UMSC.
Akon asuubirwa okusisinkana Pulezidenti Museveni boogere ku ngeri gyayinza okusigamu ensimbi mu Yuganda.
Mu 2018, Akon yalangirira nga bwagenda okuzimba ekibuga mu Senegal ekigenda okuyitibwa ‘Akon City’. Ono nga awagirwa Gavumenti ya Senegal, wakuzimba ekibuga ekiweza hectare 800 nga kikozesa Solar nga muno mwakubeeramu, amaduuka amanene, situdiyo z’ennyimba, ebifo abalambuzi webawummulira n’ebirala.
Akon asuubirwa okulambula ebifo ebyenjawulo ebyobulambuzi mu Yuganda wamu n’amasinzizo ag’enjawulo.

Temulowooza ku kwekalakaasa – ASP Luke Owoyesigyire

TEMULOWOOZA KU KWEKALAKAASA KWONNA:
Omumyuuka w’omwogezi wa Uganda Police Force owa Kampala Metropolitan Police ASP Luke Owoyesigyire avuddeyo nategeeza nga Poliisi bwekitegeddeko nti waliwo abasaasanya ebipapula nga bikubiriza abantu okwenyigira mu kwekalakaasa naddala abategesi b’ebivvulu, abayimbi, Bannakatemba wamu n’abayimbi okwenyigira mu kwekalakaasa olunaku lw’enkya ku National Theater mu kibuga Kampala.
Poliisi egamba nti wadde nga okwekalakaasa ddembe lyabuntu, abategesi balina okugoberera ebirina okuyitwamu okwekalakaasa. Mu kiseera kino nga wakyaliwo ekirwadde kya #COVID-19 enkungaana zino zayimirizibwa Ministry of Health- Uganda
Poliisi egamba nti yakuyimbula abasajja baayo abawanvu n’abampi okulaba nti eyimiriza enteekateeka zonna.