Ekitongole kya Poliisi ekya CID ne CMI bizeemu okunoonyereza kukutemulwa kwa Kaweesi

Ekitongole kya Poliisi ekikola okunoonyereza ku buzzi bw’emisanga ekya Criminal Investifations Directorate (CID) nga kiri wamu ne Chieftaincy of Millitary Intelligence (CMI) bizeemu buto okukola okunoonyereza kukutemulwa kwa AIGP Andrew Felix Kaweesi.

Kaweesi yakubwa amasasi wamu n’omukuumi Kenneth Erau ne Dereeva we Godfrey Wambewo nga 17, March 2017 ebbanga ttono nnyo nga yakava mu makaage e Kulambiro.

Abasirikale abatuuka ku kifo awakubirwa Kaweesi nebanne amasasi CID ne CMI bazeemu okubakunya ku kitebe kya CMI e Mbuya. Okunoonyereza okupya kwazeemu ku biragiro bya President Museveni nga yavaayo nagamba nti okunoonyereza okwasooka kwabulamu.