Ebya Bbanka enkulu tebinaggwa

Okunoonyereza kulaga nti ennyonyi eyali etisse ssente za Bbanka enkulu eya Yuganda yali etisse n’ebintu ebirala bya Kkampuni 9.
Ebiwandiiko biraga nti Bbanka enkulu yokka yeyalinako ssente, amakampuni amalala galinako bintu birala omuli ebyamasanyalaze n’ebirala bingi.
Kkamisona wa Customs yafulumizza ekiwandiiko nga alaga nti ennyonyi y’obwanannyini yatuuka ku kisaawe ky’ennyonyi Entebe mu April 2019 era nga enkola bweri emigugu naddala nga eja Bbanka enkulu gikolebwako ennyonyi wezisimba era bwekyakolebwa nga n’abakulu okuva mu Bbanka enkulu webali, ab’ebyokwerinda okuva mu Bbanka enkulu, Poliisi y’okukisaawe n’ebitongole ebirala.
Ono agamba nti emigugu gya Bbanka enkulu gyagibwa ku nnyonyi, negikeberebwa era negitikibbwa mu motoka za Bbanka enkulu negitwalibwa e Kampala mu bukuumi obw’amaanyi.
Emigugu gya Kkampuni endala gyatikulwa ku nnyonyi negiteekebwa mu bond ku kisaawe nga bwebalindilira bannyini jjo okusooka okumaliriza emisoso wamu n’okusasula omusolo era nebagitwala.
Gino gy’emigugu egyali ku nnyonyi;

C10521 Currency notes BOU
C10523 Machinery Mandela Millers Ltd
C10597 Entomology Supply USAID
C10610 Security X-ray Machine Jamani Investments
C10641 Unbranded adhesive Charles Mbire
C10645 Acid batteries UN High Commission
C10647 Field care DVD CET Industries
C10676 Tripower, fuses Semliki Dairy
C10746 Human blood apparatus UN Mission
C10867 Aircraft parts United Nations
C10883 Transmission apparatus UN
C11158 Lab reagents United Nations
C11283 Pumps/ accessories APTECH
C10186 Medical Equipment Ministry of Health