DP ewagira ekya Kayihura okudda ku bbali
Ekibiina kya Democratic Party (DP) kyegasse ku bannayuganda abalala abalowooza nti akulira ekitongole kya Police General Kale Kayihura addeko ku bbali olwa bannayuganda ba ssaalumanya abagendera ddala mu maaso n’okutulugunyizibwa .
Kino kijjidde mu kiseera nga abantu abawerako omuli n’ababaka mu Lukiiko lukulu olw’eggwanga , ebibiina by’obwa nakyewa, ebibiina by’obufuzi n’abalala bangi abaagala akulira ekitongole kya Police addeko ku bbali olw’ebigambibwa nti alina kyekubiira mu buweereza bwe ekintu ky’atateekeddwa kukola.
Bino Keneth Paul Kakande omwogezi wa DP abituuseeko ng’ayogera mu lukungaana lwa bannamawulire olutuula buli lwakubiri ku kitebe ky’ekibiina mu Kampala .
