Disitulikiti y’e Mubende etubidde mu mabanja
Disitulikiti y'e Mubende etubidde mu mabanja ga bukadde bw'ensimbi 630 ekiviiriddeko emirimu obutatambula bulungi mu kitundu.
Avunaanyizibwa ku by'e ensimbi n'okuteekerateekera Disitulikiti eno, Magezi Sheif Nsereko, ategeezezza nti ebbanja lino livudde ku misango emingi egizze nga giwawaabirwa Disitulikiti eno mu kkooti, olwo abagiroopa ne bagisaba obutitimbe n'obutitimbe bw'ensimbi ekivaako n'okukwata akawunta za Disitulikiti.
Magezi agasseeko nti mu kiseera kino babanjibwa ensimbi z'ensaako y'abakiise ku lukiiko lwa Disitulikiti za ntuula nnya zebatalaba waakuziggya.
Emisango egisinga obungi egivunaanibwa Disitulikiti eno gya kugoba bakozi mu ngeri emenya amateeka.
