Councilor Mubiru James asindikiddwa ku alimanda
JAMES MUBIRU ASINDIKIDDWA KU ALIMANDA:
Kkooti y’amaggye etuula e Makindye olunaku olwaleero esindise Councilor wa Lubaga North era Munnamateeka Hon Mubiru James ku alimanda oluvannyuma lwokusomerwa omusango gwokusangibwa n’ebintu by’amaggye.
Mubiru 30, nga Munnakibiina kya National Unity Platform – NUP asimbiddwa mu Kkooti olwaleero nga ebadde ekubirizibwa Ssentebe waayo Lt. Gen. Andrew Gutti amusomedde emisango okubadde ogwokwambala enkofiira emyuufu.
Kkooti egamba nti nga 18 – November – 2020 e Nakulabye bamusanga nga nga ayambadde enkofiira emyuufu nga eno yabitongole byabyakwerinda byokka nga kikontana n’akawayiro 164(i) aka UPDF Act 2005.
Mubiru emisango agyegaanye wabula oludda oluwaabi nerutegeeza Kkooti nti bakyakola okunoonyereza. Gen. Gutti asindise Mubiru ku alimanda mu nkambi y’amaggye e Makindye okutuusa nga 23, April – 2021 wabula nga tanamusindikayo Gen. Gutti asoose kwebuuza lwaki omuntu owabulijjo ate asibirwa mu nkambi y’amaggye wabula Capt Ambrose Guma owoludda lw’amaggye nategeeza nti Mubiru Munnamateeka nga okumusindika mu kkomera lya Gavumenti e Kitalya obeera otadde obulamu bwe mu matigga.
