Palamenti eragidde Minisita avunaanyizibwa ku nsonga zoomunda mu ggwanga okunoonyereza ku bulumbagayi bwa bbomu ezisuulibwa mu maka g’abamu ku babaka mu Palamenti ab’oludda oluvuganya Gavumenti
Kino kivudde ku kuba nti waliwo bbomu ezaasuliddwa mu maka g’ababaka mu Palamenti omuli owa Makindye ey’obugwanjuba Allan Ssewannyana, ewa Kasibante Moses ne Omubaka Kyagulanyi Ssentamu aka Bobi Wine era nga zaasuuliddwa abantu abatannategeerekeka.
Ensonga mu Palamenti ereeteddwa omubaka mu Palamenti owa Kitagwenda ,Agaba Abas ategeezezza Palamenti nti amaka g’ababaka bana gasuuliddwamu bbomu nga omwo mwemuli n’agoowa NRM Gordon Bafaki, era wano Sipiika Kadaga w’asinzidde okulagira Minisita w’ensonga zoomunda mu ggwanga aveeyo n’ekiwandiiko ekinnyonnyola kino.