Bannamateeka ba Besigye beecwacwanye lwa Besigye butaleetebwa mu Kooti

Bannamateeka ba Dr. Kizza Besigye beecwacwanye olw’abakulira ekkomera  lye Luzira okugaana okuleeta omuntu waabwe mu kooti olwaleero ate n’ekyokusaba kwa Gavumenti omusango gwa Besigye gukyusibwe okuzzibwa mu kooti ento e Luzira .

Besigye abadde asuubirwa okulabikako leero mu maaso g’omulamuzi wa ento  Nakawa James Eremye  naye omuwaabi wa Gavumenti Lino Anguzu n’ategeeza kooti nti beekengedde obyokwerinda Besigye kyavudde taleetebwa .

Ayongeddeko (Omuwaabi wa Gavumenti) nti Besigye yakyusibwa okuggyibwa e Moroto nga beeraliikirira ku by ‘okwerinda bye nga kyekimu neekibaddewo olwaleero . Asabye kooti Besigye akomezeebweo olunaku olulala lwonna oba omusango guwulirizibwe mu kooti ento e Luzira .

Bw’atyo omulamuzi Eremye akkiriziganyizizza n’ekyoludda oluwaabi era n’alagira akomezebwewo(Besigye) nga 15 . 06 . 2016 . asalewo ku ky’okuwuliririza omusango e Nakawa oba e Luzira  .

Wabula kino kiggye abawagizi ba FDC n’abantu abalala  ababadde bagumbye mu kooti okukuba olube wamu n’okungoola omulamuzi nga kw’otadde n’okumuyita Kifeesi  .  Okuleekana kuno kulemesezza  okuwulira emisango emirala mu kooti eno ekiwalirizza omulamuzi ono okwamuka kooti eno .