Bad Black atabukidde Minisitule y’Ebyobulamu

Ministry of Health- Uganda evuddeyo neyanukula Shanitah Namuyimbwa aka Bad Black aka Chanitah Ptt ne Bannamateeka be abavuddeyo olunaku lw’eggulo nebategeeza nga bwebagenda okuwawabira Minisitule y’Ebyobulamu wamu ne banywanyi baayo okuli UNICEF Uganda ne World Health Organization Uganda.
Minisitule egamba nti Pulezidenti Yoweri Kaguta Museveni bweyavaayo nasaba Bannayuganda n’abazira kisa abalala okuwaayo kyebasobola okulwanyisa ekirwadde kya #COVID-19 era kkampuni ez’enjawulo zavaayo okuyamba n’ebintu eby’enjawulo. Kkampuni ya Precision Communications Consulting Limited yavaayo neyewaayo okukola obulango bwonna wabula nga erondoolwa Minisitule y’Ebyobulamu.
Kkampuni eno yatuukirira abantu ab’enjawulo omwali ne Bad Black nebakiriza nga tebakakiddwa okukola obulango buno era nga bonna bateeka omukono ku biwandiiko nti bakirizza okubukola.
Minisitule egamba nti esiima abantu bonna abavaayo nebakola obulango buno nti era Gavumenti yasasulira bulango buno kuzannya ku leediyo ne ku TV.