asse kitaawe nga agamba nti amuloga
Charles Wakama 44, omutuuze ku kyalo Nazekhe, mu Parish y’e Basimalya mu subcounty y’e Magale mu Disitulikiti y’e Manafwa yatiddwa mubukambwe abatuuze ababadde bataamye nga bamulanga okutta kitaawe Brameul Wabuyekha 91. Kigambibwa nti Wakama yasanze kitaawe nga atudde wansi w’omuyembe namuteematema nga amulanga okumuloga.
Ab’omulirwano bamugobye nebamukwata nabo okukkakana nga bamumizizza omusu.
Lot Buyela mukyala wa Wabuyekha agamba nti yalese mwami we nga atudde wansi w’omuti gw’omuyembe nagenda okukima amazzi g’ente wabula kyamubuuseeko okuwulira enduulu ewaka bweyakomyeewo yasanze bbaawe ataawa.
John Namake ne Betty Katami, abaana b’omugenzi bategeezezza nti Wakama abadde anenya nnyo kitaawe nti amuloga olw’okuba okuva mu buto abadde nga aggwa ensimbu.
