Abalangira Abakulu ab’Emituba bakyaddeko mu Butikkiro nebasisinkana Katikkiro nebabaako byeboogera.
Abalangira bakulembeddwamu Ssaabalangira Godfrey Musanje Kikulwe.
Mu bigambo bye, Katikkiro asabye Abalangira okwewa ekitiibwa kubanga bava mu lubu lwerumu ne Ssaabasajja Kabaka.
Minisita w’obuwangwa ennono n’obulambuzi, Owek David Kyewalabye Male, ategeezezza nti abantu abeyita Abalangira nga tebava mu lulyo Olulangira bakikola mu bukyamu, Abalangira abamanyiddwa obulungi beebo abava mu lulyo Olulangira omuva Kabaka.
Ssaabalangira Godfrey Musanje, aloopedde Katikkiro okusomoozebwa kwebasanga mu buweereza okulemesezza emirimu okulambula obulungi.
Guno gw’emulundi ogusoose mu byafaayo Abalangira okukyala mu Butikkiro okuva lweyaddizibwa obwakabaka mu 2015.
