ababaka bakubaganye empawa ku byobugagga byabakulu ba bbanka enkulu

Ababaka abatuula ku kakiiko ka Palamenti akavunaanyizibwa ku kulondoola emirimu gy’ebitongole bya Gaveumenti aka COSASE keyawuddemu ku nsonga yokwanika ebyobugagga bw’abakungu ba Bbanka enkulu mu Ggwanga. Omubaka wa Aruu County Odonga Otto yasabye ssentebe w’akakiiko kano Abdul Katuntu amukirize alage eby’obugagga byamyuka Ssenkulu wa Bbanka enkulu Louis Kasekende.
Era Otto yasabye akakiiko akalage ekiwandiiko ekiraga mukyala wa Kasekende nga bweyafuna akawumbi kamu n’obukadde lwenda okuva mu Marx Advocates Kkampuni yabannamateeka abaweebwa omulimu mu kutunda Crane Bank nga bagiguza DFCU.
Era Otto yalaze akakiiko ebiwandiiko ebiraga nga Kasekende nga bwalina eby’obugagga ebyenjawulo ebiwerera ddala 72 nga 20 biri mu mannya ge. Omubaka Medard Ssegona yasabye Ssentebe okugira nga aleka ebiwandiiko bino okutuusa nga babyetaaze mu kunoonyereza so nga ye Elijah Okupa yasabye Ssentebe akirize Omubaka Otto aleete ebiwandiiko bino wabula ye Katuntu yasabye wateekebwewo akakiiko ka bantu 3 basooke bekeneenye ebiwandiiko bino nga tebinaleetebwa mu kakiiko.