2 bafiiridde mu kabenje 9 bapookya – Mityana

Abantu 2 bafiiridde mu kabenje ,9 balumiziddwa oluvannyuma lw’emmotoka okuva ku kkubo n’etomera abantu 2 nebafiirawo mbulaga ate 9 nebabuukawo n’ebisago ebyamaanyi .

Akabenje kagudde ku luguudo oluva e Kampala okudda e Mityana ku kyalo Bukoma ekisangibwa mu Divizoni ye Ttamu mu Disitulikiti y’e Mityana .

Omusasi waffe Joseph Balikuddembe agamba nti Takisi nnamba UAZ 016D ebadde eva e Kampala nga eyolekera Mityana evudde ku kkubo neyeevulungula emirundi egiwerako era abagibaddemu omwenda nebaddusibwa mu ddwaliro e Mityana ate bo ababiri ababadde ebbali nebakalirawo .

Ye ayogerera Police mu ttundutundu lya Wamala, Afande Nobert Ochom agamba nti akabenje kano kavudde ku kuvugiza kimama wamu n’endiima olw’okwagala okuvuga emirundi emingi.