Kkiraabu ya Manchester United evuddeyo netegeeza nga bwegobye abadde omutendesi waayo Erik Ten Hag Team.
Erik yalondebwa okubeera maneja wa Kkiraabu eno mu April wa 2022 era ngasobodde okutuusa Man U ku buwanguzi bw’ebikopo 2 okuli ekya Carabao Cup mu 2023 ne FA Cup mu 2024.
Man U emusiimye olwebirungi byebakoledde era nebamwagaliza obuwanguzi mu bulamu obuggya.
Ruud Van Nistelrooy alondeddwa ngomutendesi ow’ekiseera ngayambibwako abantu abalala okutuusa bwebanafuna omutendesi omuggya.
#ffemmwemmweffe

Minisitule y’Ebyenjigiriza n’emizannyo yetaaga obwesedde 2 mu obuwumbi 100 okusasulako ekitundu ku nsimbi Uganda zirina okusasula ekibiina ekitwala omupiira ku lukalu lwa Afirika ekya Confederation of African Football – CAF okutegeka ekikopo kya AFCIN 2027, okutandika okuzimba ebisaawe 2 ebirala ebyetaagibwa wabula tewaliiwo nsimbi ku zino ziteekeddwa mu mbalirira y’omwaka gw’ebyensimbi 2024/25.

Omubaka wa Palamenti ow’Eggwanga lya Ghanan Isaac Adongo eyavaayo nageraageranya Minisita ku muzibizi wa Manchester United Harry Maguire eyali asamba obubi omwaka oguwedde yavuddeyo namwetondera era namuwaana olw’ensamba ennungi gyayolesa kati.
Maguire akirizza okwetonda kwe nategeeza nti amwesunga okumulabako ku Old Trafford.

Omuzannyi wa ttiimu ya Newcastle munnansi wa Italy, Sandro Tonali akaligiddwa emyezi 10 nga teyeetaba mu muzannyo gwa mupiira oluvannyuma lw’okusingisibwa omusango gw’okusiba akapapula. Tonali yakwatibwa wiiki ewedde bweyali agenze okwegatta ku ggwanga lye nga bagenda okuzannya emipiira gy’okusunsulamu abaneetaba mu mpaka z’ekikopo ky’amawanga ga Bulaaya omwaka oguggya.