E Wankulukuku, Emmamba Nnamakaka ekubye Enkima mu kubaka ku goolo 42 ku 35, n’ekwata ekyokusatu. Omutima Omusagi gukubye Enseenene, n’egukwata ekyokusatu mu gw’abaami, so nga Engeye ewangudde engabo y’Okubaka bw’ekubye Ennyonyi Ennyange 37 ku 36.
Pulezidenti wa Uganda Netball Federation (UNF), Babirye Kityo Sarah eyasindikibwa ku alimanda mu kkomera e Luzira nga 15-May ku misango gyokufuna ssente mu lukujjukujju obukadde 16 ayimbuddwa ku kakalu ka Kkooti olunaku olwaleero.
Kityo omutuuze w’e Bukasa mu Wakiso asimbiddwa mu maaso g’omulamuzi wa Kkooti ya Buganda Road ne munne Zainab Namutebi 40, bwebavunaanibwa bayimbuddwa ku kakalu ka Kkooti ka kakadde 1 akobuliwo buli omu ate ababeyimiridde buli omu obukadde 4 obutali bwabuliwo.
Omulamuzi w’eddaala erisooka, Siena Owomugisha alabudde Kityo ne Namutebi obutagezaako kwebulankanya kulabikako mu Kkooti kuba bajja kuddamu bakwatibwe basasule buli omu obukadde 10 wamu n’okusibwa.
Bano bakudda mu Kkooti nga 6-June.
Pulezidenti w’ekibiina ekitwala omupiira gw’okubaka mu ggwanga ekya Uganda Netball Federation, Hon. Babirye Kityo Sarah aleeteddwa mu kkooti ya Buganda Road okwewozaako ku musango gw’okujja ku bantu ssente mu lukujjukujju wamu n’okuwulira okusaba kwe okwokweyimirirwa.
Omulamuzi wa Kkooti ya Buganda Road Siena Owomugisha yasindise ku alimanda Pulezidenti wa Uganda Netball Federation (UNF), Babirye Kityo Sarah ku alimanda mu Kkomera e Luzira ku bigambibwa nti alina beyagyako ssente mu lukujjukujju.
Babirye ne Zainab Namutebi basimbiddwa mu Kkooti ku bigambibwa nti baggya ssente obukadde 16 ku bantu nga babasuubizza okutwala abaana baabwe mu Amerika.
Kkooti yategeezeddwa nti Namutebi ne Babirye n’abalala abakyanoonyezebwa mu mwezi gwa May 2022 baggya ssente obukadde 8 ku Sarah Wamala nga bamulimbye nti bagenda kutwala mutabani we mu Amerika kyebatakola.
Oludda oluwaabi lugamba nti mu kaseera kekamu ako era mu kifo kyekimu baggya ssente ku Gloria Kikomeko Nantambi obukadde 8 nga bamulimbye okumutwala mu Amerika. Bano bombi emisango bagyegaanye era nebasindikibwa ku alimanda okutuusa nga 17-May okuwulira okusaba kwabwe okwokweyimirirwa. Bino webigidde nga Babirye eyaliko Omubaka akiikirira Abavubuka owa Masekkati ali ku luwummula olwobuwaze nga Pulezidenti wa UNF okusobozesa akakiiko akenjawulo akatekeddwawo Minisita w’ebyenjigiriza n’ebyemizannyo Janet Kataaha Museveni okunoonyereza ku kukozesa obubi offisi. Ekiragiro kyatadde Brig. Flavia Byekwaso mu ntebe nga Pulezidenti wa UNF ow’ekiseera.
Emizira n’enduulu bibuutikidde ekisaawe kya Muteesa II e Wankulukuku Ssaabasajja Kabaka Ronald Muwenda Mutebi II bwasiimye nalabikako eri Obuganda okuggulawo empaka z’omupiira gw’Ebika bya Buganda eza #bika2023.
Olunaku olwaleero empaka z’Ebika lwesitandika era nga Ssaabasajja Kabaka Ronald Muwenda Mutebi II asiimye okulabikako eri Obuganda okugiggulawo mu Mutessa II Stadium e Wankulukuku. Ekika kye Nkima be Ngabi e Nsamba byebiggulawo mu mupiira ogw’ebigere n’okubaka. Katikkiro Charles Peter Mayiga yatuuse dda mu Kisaawe.
#BikaCup2023
#KabakaWange