Okuwulira Omusango oguvunaanibwa Omubeezi wa Minisita avunaanyizibwa ku nsonga z’e Karamoja Agnes Nandutu ogwokubba amabaati 2000 agaali agabantu abayinike e Karamoja kutandise olwaleero ku Kkooti ewozesa abakenuzi n’abali b’enguzi. Oludda oluwaabi lubadde lwetegese n’abajulizi 2 wabula Bannamateeka ba Nandutu okuli aba Alaka & Co. Advocates and Nandaah Wamukoota & Co. Advocates nga bakulembeddwamu Caleb Alaka bavuddeyo nebategeeza Kkooti nti baagala okuwulira omusango guno kuyimirirwe basooke balinde Kkooti etawulula enkayaana za Ssemateeka esooke ewulire ku kyomusango ogwaggulwa ku muntu waabwe ogw’okusangibwa n’ebintu ebiteeberezebwa okuba ebibbe kuba mugazi nnyo nga guleetawo n’emisango emirala 2 nti era tegwannyonyolwa bulungi nga Ssemateeka bwekirambika.
Alaka ategeezezza Omulamuzi Jane Okuo Kajuga nti yadde babamaze okuteekayo okwemulugunya kwabwe mu Kkooti etatulula enkayana za Ssemateeka nga bawakanya omusango guno, Kkooti nayo erina okwekeneenya obulungi omusango guno eveeyo n’ebibuuzo ebyayo.
Omubeezi wa Minisita avunaanyizibwa ku nsonga z’e karamoja Hon. Agnes Nandutu asindikiddwa ku alimanda mu Kkomera e Luzira okutuusa Kkooti Enkulu gyasindikiddwa okuwulira emisango gye bwenamuyita ku misango gyokukubeera n’ambaati agabulankanyizibwa negakyuusibwa gyegali galaga e Karachunas mu Karamoja Subregion.
Nandutu Omubaka omukyala owa Disitulikiti y’e Bududa yalondebwa okubeera Omubeezi wa Minisita mu June 2021 yayitibwa mukama we Mary Goretti Kitutu namuwa amabaati 2000 okugagabira abantu abaali bakoseddwa amataba e Bududa era nga gamuweebwa Abaho Joshua Omuwandiisi mu Offiisi ya Ssaabaminisita nga naye anoonyezebwa. Kigambibwa nti ku mabaati 2000, amabati 1679 gegafuniddwa nga amalala 221 Nandutu yalemereddwa okunnyonyola wa gyegalaga.
Minisita Nandutu taweereddwa mukisa kusaba kweyimirirwa yadde nga Minisita banne n’Ababaka ba Palamenti babaddewo okumweyimirira. Ono asindikiddwa ku alimanda okutuusa Kkooti Enkulu gyasindikiddwa okuwulira emisango gye bwenamuyita.
Bwabadde ayogerako eri Bannamawulire ngatwalibwa mu Kkomera agambye; “Nzikiriza nti bambatizza na muliro naye ndi mugumu. Naye lwaki basindise mu Kkooti Enkulu so nga Kkooti eyawansi (Anti-Corruption) erina obuyinza okuwulira omusango ogunvunaanibwa?”
Omumyuuka w’omwogezi wa Uganda Police Force CP Polly Namaye avuddeyo nategeeza nga Omubeezi wa Minisita avunaanyizibwa ku nsonga za Karamoja Agnes Nandutu bwagiddwako sitaatimenti oluvannyuma lwekwetwala ku Poliisi ku misango eginoonyerezebwako okuli; ogwokukozesa obubi offiisi ye wamu n’okubba amabaati agaali ag’abantu abayinike e Karamoja.
Namaye agamba nti Nandutu yaweereddwa bambega ba Poliisi okumuggyako sitaatimenti e Kibuli oluvannyuma natwalibwa ku Poliisi ya Kira Division gyakuumirwa kati.
Fayiro ye esindikiddwa ewa DPP okuwabula wamu n’okusalawo emisango egyokumuggulwako. Namaye yebazizza Minisita Nandutu olwobutonoona budde bwa Poliisi neyewaayo mu bwangu.
Omubeezi wa Minisita avunaanyizibwa ku nsonga z’e Karamoja Agnes Nandutu yewaddeyo mu mikono gya bambega ba Uganda Police Force aboonyereza ku nsonga z’amabaati g’e Karamoja.
Wetwogerera mu kaseera kano ali ku kitebe kyabambega e Kibuli akunyizibwa.