Ekibiina ekitwala omupiira ogw’ebigere mu Ggwanga ekya Federation of Uganda Football Associations (FUFA) olunaku lw’eggulo kyatongozza omupiira ogunasambibwa mu mpaka zonna ez’omupiira eziri wansi waakyo ngomupiira guno gwatuumiddwa Zakayo okujjukira ezike erigambibwa okuba nga lyeryali lisinga obukulu mu Uganda eryali limanyiddwa nga Zakayo eryafa mu 2018.
#itallstartswithaball
Ekibiina ekitwala omupiira ogw’ebigere mu Ggwanga ekya Federation of Uganda Football Associations (FUFA) kivuddeyo nekitegeeza ng’omupiira Uganda Cranes mwebadde erina okukyaaliza Algeria bwebasazeewo okugukyaliza mu Ggwanga lya Cameroon olwokuba nti ekisaawe kya Mandela National Stadium tekinaggwa kudaabirizibwa.
Kinajjukirwa nti Omubeezi wa Minisita avunaanyizibwa ku by’emisazannyo Hon. Peter Ogwang MP yavvaayo nagumya Bannayuganda nti omupiira ttiimu y’eggwanga gweyalina okuddamu okusamba mu June bwegwali ogwokusabirwa mu Namboole.