RDC wa Mityana atiisatiisizza okukwata abasawo abagayaavu

Omubaka wa Pulezidenti atuula e Mityana Capt. Yahaya Kakooza atiisatiisizza okukwata abasawo abavunaanyizibwa ku kuddukanya eddwaliro ly’e Nakaseeta Health Centre II n’okuwa abalwadde obujjanjabi nga bano kigambibwa nti bayitirizza okutuuka ekikeerezi ku mirimu n’abalala okugendayo lwebaagadde, ekintu ekitadde obulamu bw’abalwadde mu matigga .

RDC okugenda ku ddwaliro kiddiridde okumuloopera nga abalwadde bwebasiiba ku dwaliro nga bali nneemagaza nga tebalabye basawo yadde okufuna omusawo yenna abakolako newankubadde nga basiyagguka engendo empanvu okutuuka ku ddwaliro lino kyokka nebakottokera busa.

Ono agasseeko nti n’embeera eddwaliro gyelirimu mbi nga lisangiddwa nga lizise sinakindi nga nalyo lyennyini liyinza okulwaza abalwadde ate ababa bazze okujjanjabibwa.