Poliisi ekutte ababadde babbira ku booda booda e Salaama

FLYING SQUAD MWEBALE MWAKOZE OMULIMU;

Omwogezi wa Uganda Police Force Fred Enanga avuddeyo natendereza omulimu ogwakoleddwa ekitongole kya Poliisi ekirwanyisa obubbi bw’emmundu ekya Flying Squad, oluvannyuma lw’okukwata abantu 5 ababadde benyigidde mu kunyaga abantu nga bakozesa booda booda.

Bano okukwatibwa kyadiridde okubba Bukenya Patrick 40, nga 19/02/2021, ku ssaawa bbiri ezekiro bwebaali batambulira ku piki piki nnamba UDF 976Q, TVS, nga myuufu eyakuba enduulu eyasomboola abaduukirize nebakwata Munywevu Derrick. Bweyabuzibwa ono nalokoma banne bwebabadde bakola era 4 bano nebakwatibwa nga kuliko; Businje Charles, Lines Stuart, Nsubuga Bashir ne Nalugwa Shadia.

Ne Piki piki endala bbiri zakwatiddwa okuli; UDF445F ne UER 789H. Bano babadde bavuga akawungeezi nebabba amasimu n’ensawo ku bantu abantambula ku luguudo lwa Salaama – Makindye – Bunamwaya – Rubaga, babadde banyakula oba okukuba abantu olwo nebabulawo.