Omubaka Kasibante akukkulumira Sipiika ku kibonerezo kya Kibuule
Omubaka mu Palamenti owa Lubaga ey’amambuka alaze obwennyamivu ku kibonerezo Sipiika wa Palamenti Kadaga kyeyawadde omubaka Ronald Kibuule owa Mukono ey’amambuka olw’okuyingiza emmundu mu kisenge kya Palamenti mwebateeseza.
Kubuule yawereddwa Sipiika obutadda mu Palamenti okumala entuula ssatu oluvannyuma lw’ababaka basatu abamu ku b’oludda oluvuganya Gavumenti okwemulugunyiza Sipiika nti Kibuule yayingira n’emmundu mu lutuula lwa Palamenti olwaliyo ku lwokubiri era ayalimu okwalwanagana .
Kasibanti asinzidde mu makaage agasangibwa e Lungujja Kosovo n’agamba nti kyabadde kyabulyazaamaanyi nnyo Sipiika okumuwa ekibonerezo ky’ekimu n’abalala .
