Nkobazambogo ekyusizza obukulembeze – Mengo
Abavubuka ba Nkobazambogo bakyusizza obukulembeze bwokuntikko okuva ku Matovu Isaac ng’ ono muyizi mu ttendekero lya Datamine Technical Business School abadde Ssentebe wa ba Ssentebe, nebudda eri Ssempa Mathew Mbajjo nga ono muyizi mu Makerere Yunivasite eyaggaddwa wakati mu ssaabiiti eno.
Ssempa Mathew yalondebwa abavubuka ba Nkobazambogo gyebuvuddeko oluvannyuma lw’ekisanja ky’abakulembeze ababaddeko okuggwako .
Ng’ayogerako eri abavubuka bano ku mikolo egiyindidde ku Bulange e Mengo, Katikkiro Charles Peter Mayiga akalaatidde abavubuka okwagala obuwangwa bwabwe wamu n’okuweereza obulungi mu bwesimbu.
Ye Ssentebe alayiziddwa, Ssempa Mathew asabye obumu n’okwongera okutumbula abavubuka mu bitundu by’eggwanga eby’enjawulo.
