Kitalo! Abantu 5 bafiiridde mu kabenje e Namutumba
Kitalo!
Abantu 5 okuva mu nnyumba emu olunaku olwaleero bafiiridde mu kabenje ku luguudo lwa Iganga-Tirinyi-Mbale mu Jaruko Trading Center. Okusinziira ku Uganda Police Force ey’e Namutumba kigambibwa nti bano bavudde mu Bugembe Ward mu Kibuga Jinja nga babadde bagenda kuziika ow’oluganda lwabwe e Budaka.
Abafudde kuliko; Mariam Musenero, Nasiru Musenero, Madina Sabano, Sula Kungu ne Khalifa Waira nga babadde batambulira mu motoka ekika kya Subaru nnamba UBE 360N eyayingiridde Wheel Loader eya kkampuni ya Dot Services UAX 635Q.
Kigambibwa nti Ddereeva wa Subaru yabadde avuga sipiidi nayingirira Wheel Loader eyabadde ekozesebwa okudaabiriza oluguudo lwa Mbale-Tirinyi.
