Gen. Saleh Bannamawulire yabasabye okwetegeka obulungi – Maj. Kiconco
Omwogezi w’ekitongole ekya Operation Wealth Creation – Uganda OWC Maj. Kiconco Tabaro avuddeyo nasambajja ebibadde bitambuzibwa ku mikutu gya social media nti Gen. Salim Saleh olunaku lw’eggulo yavudde mu lukiiko lwa Bannamawulire abasaka aga Entertainment abegattira mu kibiina kyabwe ekya Entertainment News Reporters Association ababadde bataamye obugo e Gulu nga baagala basasulwe olwamawulire agawagira
National Resistance Movement – NRM ne Pulezidenti Yoweri Kaguta Museveni.
Kiconco agamba nti Gen. Saleh teyavudde mu Lukiiko wabula bano yabasabye batereeze ensonga z’ekibiina ekibagatta basobola okuganyulwa mu nkola eya OWC kuba ya Bannayuganda bonna nga tesinzidde ku kibiina kyonna.
Kiconco era ategeezezza nti Bannamawulire bano bamukwasiddwa wamu ne Brig. Gen. Flavia Byekwaso okulaba nti babayamba.
