Eddwaliro lya Gavumenti teririna wadde Panadol – Kiganda HC IV
Akulira eddwaliro lya Gavumenti erya Kiganda Health Center iv mu Disitulikiti y’e Mubende Dr. Jude Kizza awuniikirizza omumyuka wa Minisita avunaanyizibwa ku Gavumenti ez’ebitundu Jennipher Namuyangu, bw’amutegeezezza nti eddwaliro eryo likulungudde ebbanga eriwerako nga terifuna wadde empeke ya Panadol.
Dr. Jude bino abyogedde bw’abadde alambuza Minisita ono eddwaliro n’amutegeeza nti kino kiviiriddeko abantu abawera emitwalo esatu okuba nga babonaabona bubonyiibonyi olw’embeera eno okubeera bw’eti songa ate n’ensimbi eziweebwa eddwaliro lino ntono ddala .
Wabula ye Minisita Namuyangu asuubizza okukolagana ne Minisita avunaanyizibwa ku by’obulamu ekizibu kino kisalirwe eddagala .
