Akwatiddwa lwakugezaako kutta muntu

Poliisi ekutte Bosco Eyoko 25, nga mukuumi w’ekitongole eky’obwannannyini ekya KPI Security Services Limited akwatiddwa Poliisi y’e Katwe lwakukuba mukuumi munne Judith Ayugi amasasi bweyali akuuma Baki Auto Dealers mu Ndeeba.

Oluvannyuma lw’okuzza omusango nga 10-Oct, Eyoko yasulaawo emmundu ye nadduka nga abadde yekweka. Judith yaddusibwa e Mulago nga eggumba ery’okukisambi limenyesemenyese olw’essasi. Eyoko yakkirizza okukuba Judith essasi nga agamba nti emmundu ye yaliko obuzibu era yali tagenderedde kumukuba.

Poliisi yakizudde nti Judith 24, yali yakafuna omulimu gw’obukuumi mu kkampuni ya KPI ku nga 10-Oct. Ye Bosco akuumirwa ku Poliisi y’e Mukono nga bwalindirira okusimbibwa mu kkooti abitebye.