Akanyoolagano mu Kampala

Police esiibye mu kanyoolagana n’abawagizi ba FDC mu kibuga Kampala okuva enkya ya leero kumpi kutuusa kawunggezi .

Omukka ogubalagala wamu n’amasasi binyoose mu bitundu bya Kampala ebyenjawulo era emirimu gisannyaladde  olunaku lulamba .

okwekalakaasa kuno kutegekeddwa aba FDC nga bawakanya okulayira kwa Pulezidenti Museveni okutegekeddwa okubaawo nga 12 / 05 / 2016 mu kisaawe e Kololo . Aba FDC bakalambira nti wasaana wateekebwewo ekitongole ekyetongodde  kidddemu okusunsula n’okwekennenya akalulu engeri gyekaabalwamu .

Wabula obudde webukeeredde leero nga Police eyiiriddwa mu maka g’abamu ku bakulira ekibiina kya FDC omuli Dr . Kizza Besigye, Ibrahim Ssemuju, Ingrid Turinawe wamu ne Erias Lukwago nga mwotwalidde n’ekitebe kya FDC e Najjanankumbi .