Ab’e Mukono bakiise embuga

#Luwalo Lwaffe.
Mukono Municipality ekiise embuga

Municipality ye Mukono nga ekulembeddwamu Mmeeya waayo George Kagimu bakiise embuga mu nteekateeka ya Luwalo Lwaffe nebagula satifikeeti za bukadde obusobye mu busatu (3m).

Mu bakiise mulimu;
Municipality ye Mukono (500,000)
Uganda Christian University (1m)
St. Paul Catholic church (1m)
Mukono Cathedral (100,000)
Omuwanika wa Buganda eyawummula, Owek. Eva Nagawa Mukasa (100,000)
Mukyala Rosette Nayenga (100,000)
Mw. Kyeswa Jimmy (50,000)
Mukyala Lilian Nakaweesa (50,000)
Owek. Ffefekka Sserubogo (50,000)
Mw. Micheal Kibudde Kiggundu (100,000).

Bwabadde abatikkula, Minisita w’ettaka, obulimi, obwegassi, Bulungibwansi n’obutonde bwensi, Owek Hajjat Mariam Mayanja Nkalubo, akubirizza abantu okwettanira okuwandiisa ebibanja basobole okufuna obwannanyini beewale okugobaganyizibwa n’enkaayana z’ettaka.
Owek Mariam era asabye abakulembeze okuteekerateekera obulungi ebibuga byabwe beewale omugotteko.

Mmeeya wa Mukono Municipality George Kagimu yeebazizza Ssaabasajja olw’emirimu gyakola mu bantube nebasobola okubeera obumu.