Abayizi ba Pulayimale bakkirizza nti banywa enjaga – Kabale

Abayizi ba Pulayimale nga bawera 30 mu ssomero lya Muyumbu Primary School erisangibwa mu gombolola ye Kyanamira mu disitulikiti ye Kabale beetonze olw’okunywa enjaga . 

Okusinziira ku batwala essomero lino, bagamba nti oluusi abaana bano babadde bagoba n’abasomesa mu bibiina .

Akulira esssomero lino Charles Akankwasa agamba nti baafuna amawulire ku ntandikwa y’olusoma olwayita nti abamu ku bayizi baabwe banywa enjaga ekyabawaliriza okutandika okukola okunoonyereza ku nsonga eno 

Mu kunoonyereza agamba nti abayizi abamu naddala abava mu bitundu enjaga gy’erimwa okufunamu ssente begaana obutagikozesa . 

Akankwasa  agamba nti ensonga eno bagikwasizza Police n’abobuyinza ku disitulikiti basobole okugifunira eddagala .

Wabula Akankwasa agamba nti okunywa enjaga kittattanye empisa z’abayizi nga okwosa n’obutassa kitiibwa mu basomesa be baana baliwo .