Eng. atanziddwa emitwalo ena mu kkooti yooku City Hall nga ono asingisiddwa omusango gw’okutambulira mu muddo ogwasimbibwa KCCA ku mabbali g’oluguudo.
Mukuye Swazi nga mutuuze w’e Gayaza yagombeddwamu obwala olunaku lwa jjo okuva eri abakwasisa amateeka mu KCCA nga atambulira mu muddo, olwaleero alabiseeko mu maaso g’omulamuzi w’eddaala erisooka mu kkooti yooku City Hall, Moses Nabende n’akkiriza omusango guno.
Omulamuzi Nabende bwatyo alagidde omusajja ono atanzibwe emitwalo ena (40.000) era nga singa abadde tasobola kuzisasula abadde agenda kusibwa mu kkomera e Luzira akulunguleyo ennaku abiri kubanga omulamuzi ategeezezza nti omuddo guno gulabirirwa ku nsimbi y’omuwi w’omusolo.