Omukulembeze wa National Unity Platform Hon. Kyagulanyi Ssentamu Robert aka Bobi Wine; “Okutandika n’olwaleero okutuuka ku nkomerero yaayo, tugenda kuba tujukira banafffe abattibwa mu kunoonya akalulu k’obwa Pulezidenti wakati wa 18 ne 19 November 2020 abantu bwebaali bekalakaasa mu mirembe nga bawakanya ekyokutulugunya nga tunoonya akalulu.
Tekyakoma kwolwo wabula mu naku ezasembayo mukunoonya akalulu batta munaffe Frank Ssenteza eyalinyibwa emotoka y’amaggye.
Mpa ab’enganda zabagenzi, mikwano gyabwe n’abalala bonna ekitiibwa abavuddeyo nebagaana okukozesebwa okuvaayo okulaga nti ffe twaviirako abantu baabwe okufa.”