URA ekalambidde ku kyokubera emotoka ya Bobi Wine
Ekitongole ekiwooza ky’omusolo ekya Uganda Revenue Authority (URA) kivuddeyo nekitegeeza Kkooti nti Hon. Kyagulanyi Ssentamu Robert aka Bobi Wine yali alina okufuna olukusa olw’enjawulo nga tanaleeta motoka kika kino.
Kyagulanyi wiiki ewedde yaddukira mu Kkooti nga ayagala eremese URA okusika emotoka ye.
Geoffrey Balamaga, manager URA customs department agambye Kkooti nti emotoka eno banjula eri Customs nga emotoka eyabulijjo nabwekityo nesasula omusolo mutono kwoggwo gweyalina okusasula.
Balamaga mu kirayiro kye agamba; “Emotoka etayitamu masasi mu Customs law n’etteeka erifuga Uganda People’s Defence Forces – UPDF omuntu yenna okuleeta oba okubeera n’emotoka ekika kino yetaaga olukusa olw’enjawulo era nga kyandibadde kirungi Kyagulanyi awandiikire URA nga asaba okuwabulwa agoberere amateeka nakyo kiggwe.”
Balamaga agamba okuleka nga emotoka bazzeemu nebagikebera omulundi ogw’okubiri, obumulumulu obuliwo bujja kusigalawo.
Kyagulanyi agamba nti Kkooti eyimirize URA okutwala emotoka ye kuba emotoka ye ekika kya Tundra yatwalibwa Uganda Police Force mu 2018 nakati tebagimuwanga era ku Arua Central Police Station, nti era emirundi mingi ab’ebyokwerinda bagezezzaako okwonoono emotoka ze oba okugezaako okuzitwala nti era singa agiwaayo ajjakuba tasigazza motoka gyatambuliramu nga ate talina bukuumi motoka eno bwemuwa. Ayongerako nti tamanyi bbanga lyebagenda kubeera nayo kuba URA tekiraga.
Balamaga kino akiwakanyizza nagamba nti URA temulinaako buzibu bwonna nti era okwekebejja emotoka eno tekyanditutte ssaawa nnyingi singa Kyagulanyi yakiriziganya nabo nabawa ebiwandiiko byayo.
URA egamba nti omusango guno tegwalina kutwalibwa mu Kkooti Nkulu wabula mu Tax Appeals Tribunal erina obuyinza kwekyo era basaba Kkooti egobe omusango guno. Kkooti egamba nti yakuwa ensala yaayo nga 6-April-2021.
