UPDF ne Poliisi bakubye ababbi 2 amasasi e Bulenga

Amyuuka omwogezi wa Uganda Police Force owa Kampala Metropolitan Police ASP Luke Owoyesigyire avuddeyo nategeeza nga abebyokwerinda mu Disitulikiti y’e Wakiso nga bakulembeddwa eggye lya UPDF e Buelnga bakubye abavubuka amasasi agabalumizza nga bano bateeberezebwa oku kubamu ku kibinja ky’abebijambiya ababadde batigomya abantu.

Luke agamba nti zabadde ssaawa nga 7 ogw’ekiro abazigu bano nebalumba amaka g’omu ku batuuze ategeerekese nti ye Ssempijja Bruno nebamutemaatema nebamunyagako essimu ya Huawei, bano olwavudde wano kwekulumba abapangisa ku nnyumba z’omukyala Gladesi Mugerwa Poliisi eyabadde erawuna ekitundu gyeyabasanze lubona nga banyaga abapangisa. Bano baabafubutudde nebabakubamu ebyasi ebyakwasizzaako babiri abalala babiri nebadduka.

Luke agamba nti bano abalumiziddwa batwaliddwa mu Ddwaliro okufuna obujanjabi nga bategeerekese omu ye Kato Joseph ne Kabale Sula nga batuuze b’e Kikaaya Bulenga. Bano bawadde Poliisi ebikwata ku banaabwe abadduse era omuyiggo gutandise.