UPDF ekutte eby’enyanja ebito

Eggye lya UPDF erirwanyisa envuba embi ne Poliisi e Kayunga bizingizza abavubi ne biwamba ebyennyanja ebisangiddwa nga bito. Ebyennyanja ebiboyeddwa biweza ttani emu era nga babadde babitambuliza mu mmotoka eza buyonjo ne bodaboda. Bbo abasuubuzi bannyinibyo badduse.
Akulira ebikwekweto bya poliisi e Kayunga, Charles Wabendo yagambye nti eby’ennyanja baabiggye ku myalo okuli Kawongo mu Galiraaya ne Misanga mu Bbaale. Yagambye nti ebikwekweto eby’okulwanyisa envuba embi bikyayinda mu Disitulikiti eno. Baabigabidde abantu n’ebitongole nga Poliisi n’amakomera.